A chaque printemps, revient le travail du jardin….
La tradition
voulait qu’à la femme revienne l’entretien de la maison et au mari, celui du jardin… et au dire de certains « Dins un ménage, i faut un gardin, Si que ch’courtis i est biau, ch’est
queuj’ch’ménage i vo. »
« Dins un ménage, i faut un gardin »
Un jardin…seul ou par deux : quand on y est, « tout nous apparaît plus….biêu… »
Voici ce qu’il vous faudra cultiver :
« Des pétotes, des carottes, d’z’échalottes,
Des naviaux, des pos, d’zépinards, des chicons,
Du persil, du pouillu, du cerfu,
Dins un coin des grojelles et des sal’.
In fait, d’el bonne soupe aveucq d’el surelle, et du thé al’sal cha calme ché niers, il faut l’faire aveucq du lait et
ine bonne pincée d’sé » (Extrait du livre « Beuvry sur Loisne » de Monsieur l’Abbé Julien Bacon).
« Quanq j’arviens d’min traval, que j’tiens pus d’sus mes quilles….
Quanq cha n’a pas marché comme’ej l’auros voulu….
Qué m’femm qu’all fait la graign’ ou qu’je n’sus pont trinquile…
Qué j’voes qu’autour ed mi personn’en m’comprind pus…
Sins me n’aperchuvoir j’mins vas par ein tiot qu’min.
Et j’martreuv tout d’in cop d’vant l’porte ed min gardin.
Lè l’timps d’vir min cuin d’terre, d’raviser mes allées.
Tout cha qu’j’ai fait là d’dins… Mes pein’s sont involées.
Ah’ que j’sus ti contint quand j’arporte à m’mason
Ein gros ballo d’léueum’s, ein sac ed pinm’s ed terre.
Ou bien chès prmiers fruits récoltés d’ell saison !
Tous mes infants s’bouscul’nt, faut vir, ch’est ein vrai’guerre
I’s batt’rott’nt moins, ch’est sûr, pour ein morcieu d’régliche
Eq’pour êt el premier à pluquer dins mes chriches !
(…)
Quand j’sus dins min gardin tout m’apparaît plus bieu.
Ech rossignol pour mi cant’sin plus bieu morcieu
Min cœur i berloqu’miux et j’voès l’av’nir vermel.
Quand j’arsaqu’min louchet qui bril comme in solel.
Plus tard, quand j’s’rai trop viux que j’pourrai pu m’armuer.
Qu’mes infants qui devront à leu tour continuer
Si veul’nt em fair’plaisi qu’ils m’apport’nt sans colère.
Ein cayell pour m’assir, là bas, dins min cuin d’terre. »
(Extrait du recueil « Atrébaties » d’après les parlaches et
bertonnaches de Jules Crinchon (ou André Laflutte. Ce patois est celui d’Arras, ville natale de l’auteur).